English, How to speak English, English sekho kamyab ho jao

 

انگریزی: کامیابی کی چابی – پاکستانی قوم کے لیے لمحۂ فکریہ

A Column By: سر جاوید بشیر

یہ کوئی مغربی ایجنڈا نہیں، یہ کوئی زبانوں کی جنگ نہیں، بلکہ یہ ایک کڑوا سچ ہے کہ آج کی دنیا میں انگریزی زبان کامیابی کی سب سے طاقتور چابی بن چکی ہے۔

ہم چاہیں یا نہ چاہیں، مانیں یا انکار کریں، مگر حقیقت یہی ہے کہ آج علم، ٹیکنالوجی، تجارت، بین الاقوامی تعلقات، تحقیق، حتیٰ کہ سوشل میڈیا اور فری لانسنگ کی دنیا میں کامیابی کا دروازہ انگریزی زبان سے کھلتا ہے۔

ہماری قوم میں آج بھی لاکھوں نوجوان اپنی ذہانت، محنت، جذبے اور صلاحیت کے باوجود صرف اس لیے پیچھے رہ جاتے ہیں کہ انہیں انگریزی بولنے، سمجھنے اور لکھنے میں دقت ہوتی ہے۔

ہم نے انگریزی کو "غیروں کی زبان" کہہ کر اس سے دوری اختیار کی، مگر دنیا نے اسے "علم کی زبان" مان کر سینے سے لگا لیا۔

ہم نے اسے احساسِ کمتری سمجھا، دنیا نے اسے عالمی ترقی کا ذریعہ بنا لیا۔

کیا انگریزی سیکھنا اپنی زبان سے غداری ہے؟

ہرگز نہیں!

انگریزی سیکھنے کا مطلب اپنی قومی زبان یا تہذیب کو چھوڑ دینا نہیں۔

جیسے ایک ہنر سیکھنا آپ کی صلاحیت میں اضافہ کرتا ہے، ویسے ہی انگریزی سیکھنا بھی ایک مہارت ہے جو آپ کو زیادہ بااعتماد، زیادہ مواقعوں والا، اور زیادہ طاقتور انسان بناتی ہے۔

یاد رکھیں، زبانیں دشمن نہیں ہوتیں، دروازے ہوتی ہیں۔

انگریزی ایک ایسا دروازہ ہے جو ہمیں دنیا کے سامنے کھڑا کر سکتا ہے — بس ہمیں ہمت کر کے اسے کھولنا ہوگا۔

دنیا میں کامیاب قومیں کیوں آگے نکل گئیں؟

چین، جاپان، جرمنی، ترکی — ان سب نے اپنی زبان کے ساتھ انگریزی سیکھی، اپنائی اور اس کو ترقی کا ذریعہ بنایا۔

وہ لوگ جان گئے کہ جس زبان میں علم ہے، وہی زبان اختیار کرنا ہوگی۔

آج اگر آپ کو گوگل پر کچھ تلاش کرنا ہو، تو انگریزی میں کرو۔

اگر آپ کو آن لائن نوکری کرنی ہے، اپ ورک یا فائیور پر پروفائل بنانی ہے، تو انگریزی میں کرو۔

اگر آپ اسکالرشپ کے لیے اپلائی کرنا چاہتے ہو، سی وی لکھنی ہے، یا کسی بین الاقوامی ادارے میں انٹرویو دینا ہے — تو زبان کیا مانگی جائے گی؟ انگریزی!

پاکستانی نوجوان کب جاگے گا؟

ہمیں اب سستی، غفلت، اور خود فریبی کے خول سے باہر آنا ہوگا۔

ہمیں ماننا ہوگا کہ انگریزی اب "صرف ایک زبان نہیں بلکہ ایک صلاحیت" ہے، جو آپ کو کامیاب زندگی دے سکتی ہے۔

آج اگر ایک عام طالبعلم انگریزی بولنا سیکھ جائے، تو وہ دنیا کے کسی بھی کونے میں اپنا مؤقف پیش کر سکتا ہے، کسی بھی موقع سے فائدہ اٹھا سکتا ہے۔

انگریزی — احساسِ کمتری ، ںاحساسِ طاقت بنائیں، جب ہم انگریزی بولنے والے کو "غیروں جیسا" کہہ کر طعنہ دیتے ہیں، تو ہم دراصل اپنی نئی نسل کو محرومی کی طرف دھکیلتے ہیں۔

وقت آ گیا ہے کہ ہم انگریزی کو طاقت کا ذریعہ سمجھ کر اپنائیں — بغیر شرم، بغیر ڈر، بغیر احساسِ کمتری کے۔

ہمیں کیا کرنا ہوگا؟

گھروں میں بچوں کو حوصلہ دیں، شرمندہ نہ کریں۔

 اساتذہ انگریزی پڑھاتے ہوئے محبت اور آسانی کا رویہ اپنائیں۔

طلبہ روزانہ تھوڑا تھوڑا انگریزی میں بولنے، لکھنے اور سننے کی مشق کریں۔

اسکول، کالج اور مدارس میں انگریزی کو لازمی ہنر سمجھا جائے۔

 میڈیا، یوٹیوبرز، اور سوشل پلیٹ فارمز پر انگریزی سیکھنے کی اہمیت اجاگر کی جائے۔

اگر ہم نے اب بھی آنکھیں بند رکھیں، اگر ہم نے اب بھی "بس اردو ہی کافی ہے" کہہ کر انگریزی سے نظریں چرائیں، تو یاد رکھیں ہم اپنی آنے والی نسلوں کو پچھتاوے اور پسماندگی کے سوا کچھ نہ دے سکیں گے۔

اب وقت ہے کہ ہم خود سے، اپنی قوم سے، اور اپنے بچوں سے یہ وعدہ کریں کہ:

 ہم انگریزی سیکھیں گے

ہم انگریزی بولیں گے

ہم انگریزی کے ذریعے دنیا کو دکھائیں گے کہ پاکستانی کسی سے کم نہیں۔

کیونکہ —

"زبان کا جادو جب بولتا ہے، تو کامیابی کے دروازے چمک اٹھتے ہیں!"

اور

"انگریزی اب محض الفاظ نہیں، یہ تو اڑان ہے، قوت ہے — اسے تھام لو، اور اپنی کامیابی کی داستان خود لکھو!"