Ducky Bhai, Rajab Butt aur Nani waly ka Sach, Ducky aik fake hero

A fake hero Ducky Bhai

A Column By: سر جاوید بشیر

ڈکی بھائی یعنی سعد الرحمان کی گرفتاری کی خبر نے پورے پاکستان کو ہلا دیا ہے۔ لاہور ہوائی اڈے پر قومی سائبر جرائم تحقیقاتی ایجنسی نے مقبول ویڈیو بنانے والے سعد الرحمان، جو ڈکی بھائی کے نام سے مشہور ہے، کو گرفتار کیا۔ جرم یہ ہے کہ اس پر آن لائن جوے اور بازی کے موبائل پروگراموں کو فروغ دینے کا الزام لگا ہے۔ اور یہ صرف شروعات ہے، کیونکہ نئے انکشافات یہ دعویٰ کرتے ہیں کہ وہ ایکس بیٹ سمیت متعدد جوے کے پروگراموں کا 'ملک کا منتظم' تھا، اور اس سے لاکھوں کمائے۔

ڈکی بھائی کا اصل نام سعد الرحمان ہے اور وہ لاہور کا رہائشی ہے۔ یہ نوجوان شروع میں ایک عام طالب علم تھا جو تعلیم حاصل کر رہا تھا۔ لیکن زندگی نے اسے ویڈیو کی دنیا کی طرف موڑا جہاں اس کی شہرت کا سفر شروع ہوا۔ ابتدا میں ڈکی نے گیم ویڈیو چینل بنایا، خاص طور پر پب جی گیم کھیلتا تھا اور اس میں اچھا تھا۔ لیکن اصل شہرت اسے لوگوں کا مذاق اڑانے کے ذریعے ملی۔

یہاں ایک اہم موڑ آتا ہے جب ڈکی نے شام ادریس اور فراگی کے خلاف مہم شروع کی۔ یہ 2018 کی بات ہے جب ڈکی نے بتایا یہ لوگ جھوٹے پرانکس کرتے ہیں، فیک ویڈیوز بناتے ہیں اور عوام کو بے وقوف بناتے ہیں۔ اس وقت ڈکی کی زبان بہت گندی اور عورتوں کے خلاف نازیبا الفاظ سے بھری ہوتی تھی۔ اس وقت ڈکی کا دعویٰ یہ تھا کہ یہ لوگ جھوٹے پرانکس بناتے ہیں اور دیکھنے والوں کو گمراہ کرتے ہیں۔

لیکن یہاں ایک عجیب بات یہ ہے کہ ڈکی اس وقت ڈیلی وِلاگرز کی مخالفت کر رہا تھا، جھوٹے پرانکس کی مذمت کر رہا تھا، اور یہ کہہ رہا تھا کہ ڈیلی وِلاگرز لوگوں کو بے وقوف بنا رہے ہیں۔ لیکن آج وہ خود وہی کام کر رہا ہے جس کی اس نے مذمت کی تھی۔

یہی ڈکی بعد میں شادی کے بعد اپنی بیوی کے ساتھ ڈیلی و لاگنگ کرنے لگا۔ یعنی وہی کام جس پر وہ شام ادریس کو بُرا بھلا کہتا تھا، خود کرنے لگا — بلکہ اور بھی زیادہ "کرنج" انداز میں۔

ڈکی نے نانی والا کے ساتھ مل کر بدلہ برادر( یوٹیوبر) کے ساتھ جو کیا، وہ سب جانتے ہیں۔ اسے بری طرح مارا پیٹا گیا، تھانے میں بند کروایا گیا، اور جھوٹے مقدمے بنوائے گئے، یہاں تک کہ اسے اپنا ملک پاکستان چھوڑنا پڑا۔ مگر پاکستان چھوڑنے کے بعد وہ ان 'ڈیلی وِلاگرز' کے لیے اور بھی خطرناک بن گیا، اور پوری قوم کے سامنے ان کا اصلی، مکروہ چہرہ لے آیا۔

ان کی گندی عادتیں، قوم کو تباہ کر کے اپنی جیبیں بھرنے کی ہوس، کبھی ختم نہیں ہوتی۔ پھر یہ (ڈکی، رجب اور نانی والا) مل کر آن لائن کورسز لے آئے، مگر اللہ بھلا کرے ان یوٹیوبرز کا جنہوں نے ان کا اصلی مقصد سامنے لایا، جو صرف پیسہ کمانا تھا۔ ان کی ہوس کبھی ختم نہیں ہوتی۔

اب حالیہ دنوں میں ڈکی نے جوئے والے ایپس (gambling apps) پروموٹ کرنا شروع کیے۔ یہ ایپس پاکستان میں غیر قانونی ہیں۔ رپورٹ کے مطابق اس نے 27 ویڈیوز میں ان کو پروموٹ کیا اور اس کے عوض لاکھوں کمائے۔ آخرکار حکومت نے اسے گرفتار کر لیا۔

یہ کہانی صرف ڈکی کی نہیں بلکہ پورے پاکستانی یوٹیوب کلچر کی ہے۔ آج زیادہ تر یوٹیوبرز اپنی ذاتی زندگی کو بیچ کر پیسہ کماتے ہیں۔اپنی بیویوں اور بچوں کو "کانٹینٹ" بنا کر پرائیویسی ختم کرتے ہیں۔جھوٹے ری ایکشن اور فیک ڈرامے دکھاتے ہیں۔امیروں جیسا لائف اسٹائل دکھا کر نوجوانوں کو گمراہ کرتے ہیں۔پیسے کے لیے جُوئے، دھوکے اور فیک پروڈکٹس تک پروموٹ کرتے ہیں۔

اصل نقصان پاکستانی نوجوانوں کا ہے۔ وہ ان کو ہیرو سمجھ کر ان جیسا بننے کی کوشش کرتے ہیں۔ تعلیم، محنت اور اصل ہنر کو چھوڑ کر "شارٹ کٹ" تلاش کرتے ہیں۔ لیکن آخر میں ہاتھ کچھ نہیں آتا۔

ڈکی کی مثال آنکھیں کھول دینے والی ہے۔ کل تک جو لاکھوں فالوورز والا "ہیرو" تھا، آج جیل میں ہے۔ یہ سب کو سمجھ لینا چاہیے کہ پیسہ سب کچھ نہیں۔شارٹ کٹ سے عزت اور کامیابی نہیں ملتی۔جھوٹ، فریب اور حرام راستے آخرکار بربادی کی طرف لے جاتے ہیں۔

یہ وقت ہے جاگنے کا۔ اپنے نوجوانوں کو بتانے کا کہ اصل کامیابی محنت، سچائی اور علم میں ہے۔ یوٹیوب کے یہ "ڈیلی ولاگرز" صرف وقتی شہرت کا فریب ہیں۔ ہمیں اپنی نئی نسل کو ان کے جال سے بچانا ہے، ورنہ آنے والا وقت مزید اندھیرا لے کر آئے گا۔

اگر اس کالم نے آپ کی آنکھیں کھولی ہیں اور آپ کو یہ سوچنے پر مجبور کیا ہے کہ ہم اپنی نسل کو اس جال سے کیسے بچائیں، تو پلیز، اپنے دل کی آواز، اپنی رائے، اور اپنے مشورے کمنٹس میں ضرور لکھیں۔ آپ کی ایک بات شاید کسی اور کو بھی جاگنے پر مجبور کر دے، اور ہم سب مل کر اپنے بچوں کو ایک روشن راستہ دکھا سکیں۔